Выхаванцы другой малодшай групы «Сунічка» пазнаёміліся з новым цікавым беларускім словам — «бразгаўка». Падчас заняткаў дзеці даведаліся, што гэта за музычны інструмент, паслухалі, як ён гучыць, пагулялі ў «Вясёлы аркестр» і старанна размалявалі кожны сваю ўласную, непаўторную бразгаўку.
У групе Рамонак на занятках дзеці з вялікай цікавасцю вывучалі тры новыя словы дня: «чужаземец», «насельніцтва» і «тутэйшы». Ім вельмі спадабалася разбірацца ў сэнсе гэтых паняццяў і параўноўваць, чым госць здалёк адрозніваецца ад карэннага жыхара. Гэтая тэма выклікала шмат эмоцый і дапамагла лепш зразумець гісторыю роднага краю.